«Үздік орыс тілі мен орыс әдебиеті пәнінің мұғалімі -2018»

Қазалы аудандық білім бөлімінің ұйымдастыруымен №170 мектеп базасында ағымдағы жылдың 21 қыркүйек күні «Үздік орыс тілі мен орыс әдебиеті пәнінің мұғалімі -2018» облыстық байқаудың аудандық іріктеу кезеңі ұйымдастырылды. Мұғалімдердің педагогикалық шеберліктерін анықтау, педагогикалық қызметте инновациялық әдістер мен технологияларды енгізу, орыс тілінің шығармашыл мұғалімдерін анықтау және қолдау мақсатында ұйымдастырылған байқауға 19 мұғалім ұсыныс білдіріп өз деңгейлерін ортаға салды. Байқауға қатысушы мұғалімдердің педагогикалық шеберлігін сараптау үшін №16, №24, №249 мектептердің жоғары санатты орыс тілі пәнінің мұғалімдері Райкүл Ернияз, Қазанбай Ғалия және Гүлмира Ақбаева сараптап әділ шешім шығарды. Байқау нәтижесі бойынша І орынды №249 мектеп-лицейдің мұғалімі Жайшылықова Ақгүл, ІІ орынды №276 мектеп мұғалімі Асқарова Алима, ІІІ орынды №16 мектеп-лицейдің мұғалімі Жумагулова Улдай өзара бөлісті. Облыстық кезеңге жолдама алған Жайшылықова Ақгүлге сәттілік тілеп, байқаудан топ жарып шығуына тілектестік білдіреміз.