"Таңдауымыз-таза қоғам" акциясы

Қазалы ауданының ішкі саясат бөлімі, "Қазалы Жомарт" қоғамдық бірлестігімен "Nur Otan" партиясы аудандық филиалының ұйымдастыруымен «Қоғамда сыбайлас жемқорлыққа мүлде төзбеушілік жағдайын қалыптастыру» әлеуметтік жобасы аясында, 9-желтоқсан Халықаралық сыбайлас жемқорлықпен күрес күніне арналған, "Таңдауымыз-таза қоғам" акциясы аясында аудандық эстафеталық жарыс болып өтті. Аталған шараның мақсаты: Бүгінгі күннің талабы сыбайлас жемқорлықпен күресу, оны болдырмау, сыйлықтан бастау алатын сыбайластыққа мүлде төзбеушілікті қалыптастыру. Акция аясында ұйымдастырылған шараның алғы сөзін, аудан әкімінің орынбасары Жарылқағанов Әлімжан Мұратбайұлы ашып, сөз сөйлеп, жарысқа қатысушыларға сәттілік тіледі. Шараға "Jas Otan" жастар қанаты аудандық бөлімінің ерікті жастары қатысып, өз белсенділіктерін танытты. 4 турдан тұратын эстафеталық жарысқа, 12 команда қатысып, бақ сынасты. Жарыс нәтижесі бойынша "Nur Otan" партиясы аудандық филиалы төрағасының бірінші орынбасары Қасқырбек Мәмбетжан аудандық эстафеталық жарыста жоғары дәрежеде ойын көрсеткені үшін Қазалы ауданы, Әйтеке би кентіндегі № 276 орта мектепті марапаттады.